ەل-ارنا قولفون نۇسقاسىنا ەنۋ Еларна қолфон нұсқасына ену


ەل-ارنا قولفون نۇسقاسى | "قولفون نۇسقاسىن ءتۇسىرۋ (Android)

Кірілше
جۇكتەۋ-البومىم-البومدار-جەلى
وسى توردى ساقتايمىن! | وسى توردى باس بەت ەتەمىن!

ءبىزدىڭ بايلانىس: elarna2012@gmail.com

Үш күнгы келушылер санағыКелген адам саны (IP)Көрілген бет саны (PWs)КомпйутерҚолфон
2017-04-2650132299550 %50 %
2017-04-2748112109653 %47 %
2017-04-28220 %100 %


تىركەلىڭىزدەر كىتاپحانا قوجالار تورابى البومدار قازاقتىڭ 1001 ەرتەگىسى
ءتۇرى: Bnews.kz جاڭالىقتارى
جولدانعان ۋاقىتى: 16:54 - 2017/04/21
وسى ماقالانىڭ كىرىلشە نۇسقاسى، وسى ارانى باسىڭىز

Осы мақаланың кірілше нұсқасы, осы араны басыңыз

: PDF Download - Жұктеұ - Скачать - ءتۇسىرۋ

ەلباسى «ەكسپو-2017» كورمەسىنىڭ دايىندىق بارىسىن تەكسەردى

بۇگىن مەملەكەت باسشىسى استانا قالاسىنىڭ الەۋمەتتىك-ەكونوميكالىق دامۋ ماسەلەلەرى جانە «ەكسپو-2017» حالىقارالىق مامانداندىرىلعان كورمەسىنە دايىندىق بارىسى جونىندەگى كەڭەسكە قاتىستى، دەپ حابارلادى اقوردانىڭ ءباسپاسوز قىزمەتى.

كەڭەستە ەلوردانىڭ وزەكتى پروبلەمالارى مەن دامۋ پەرسپەكتيۆالارى، سونداي-اق حالىقارالىق كورمەنى ۇيىمداستىرۋ ماسەلەلەرى تالقىلاندى.

مەملەكەت باسشىسى ەلىمىز بەن حالقىمىز ءۇشىن الداعى «ەكسپو-2017» كورمەسىنىڭ ماڭىزدىلىعىن اتاپ ءوتىپ، شەتەلدىك قوناقتار مەن قازاقستاننىڭ بارلىق وڭىرىنەن كەلەتىن تۋريستەردى قابىلداۋعا جان-جاقتى دايىندالۋ قاجەت ەكەنىنە نازار اۋداردى.

– ءبىز دايىندىقتىڭ سوڭعى كەزەڭىنە جەتتىك، اۋقىمدى جۇمىس اتقارىلدى. ەلوردا كوپ ادامدى قارسى الۋعا دايىن بولۋعا ءتيىس. ينفراقۇرىلىمدى، قوناق ۇيلەردى، مادەنيەت وشاقتارىن، قالالىق قىزمەت كورسەتۋ مەكەمەلەرىن ازىرلەپ قويۋ قاجەت، – دەدى قازاقستان پرەزيدەنتى.

نۇرسۇلتان نازارباەۆ استانانىڭ تۇرعىندار ءۇشىن قولايلى ءارى جايلى، سونداي-اق الەمنىڭ ۇزدىك قالاسىنىڭ بىرىنە اينالۋعا ءتيىس ەكەنىن اتاپ ءوتتى. وسى ورايدا، مەملەكەت باسشىسى ەلوردانى ودان ءارى دامىتۋ جونىندە ءبىرقاتار تاپسىرما بەردى.

– قالانىڭ باسقارۋدىڭ بارلىق سالاسىندا قازىرگى زامانعى تسيفرلىق تەحنولوگيالاردى ەنگىزۋ قاجەت. ۇكىمەت استانانى تسيفرلىق تەحنولوگيالار ەنگىزىلەتىن نەگىزگى الاڭعا اينالدىرۋى كەرەك. مەنىڭ تاپسىرمام بويىنشا، «ەكسپو» اۋماعىندا IT-ستارتاپتاردىڭ حالىقارالىق تەحنوپاركى اشىلاتىن بولادى، – دەدى ەلباسى.

سونداي-اق، قازاقستان پرەزيدەنتى قالانى دۋباي، گونكونگ، سينگاپۋر قالالارىنىڭ ۇلگىسىمەن دامىتۋدى جانە وندا ەۋرازيا كەڭىستىگى اۋقىمىنداعى قارجىلىق جانە ىسكەرلىك حاب قۇرۋدى تاپسىردى.

– بۇگىندە استانادا شەتەلدىك 2700 كومپانيا جۇمىس ىستەيدى. ولار قالا ەكونوميكاسىنا 3،2 ميلليارد اقش دوللارى كولەمىندە ينۆەستيتسيا سالدى. دەگەنمەن، بۇل رەتتە قولدا بار مۇمكىندىكتەر تولىق پايدالانىلماي وتىر. استانا ارنايى ەكونوميكالىق اۋماعىنىڭ الەۋەتى جەتكىلىكسىز پايدالانىلۋدا. ەلوردانى ودان ءارى دامىتۋ بارىسىندا ۋربانيزاتسيا ءۇردىسىن ەسكەرۋگە ءتيىسپىز. 2030 جىلعا قاراي قالا تۇرعىندارىنىڭ سانى تاعى 1 ميلليون ادامعا ءوسۋى مۇمكىن. بۇل قالا الدىنا ۇنەمى جاڭا جۇمىس ورىندارىن اشۋ ارقىلى ەل-جۇرتتى ەڭبەكپەن قامتاماسىز ەتۋ مىندەتىن قويادى، – نۇرسۇلتان نازارباەۆ.

ەلباسى تۇرعىن ءۇي سەكتورىن دامىتۋ جايىنا ارنايى توقتالىپ، ۇكىمەتكە مەملەكەتتىك تۇرعىن ءۇي قورىنان باسپانا الۋ ءۇشىن كەزەكتە تۇرعانداردىڭ ماسەلەسىمەن اينالىسۋدى تاپسىردى.

– قالا جالپى كولەمى كەم دەگەندە 2 ميلليون شارشى مەتر بولاتىن تۇرعىن ۇيلەردى جىل سايىن پايدالانۋعا بەرىپ وتىرۋى قاجەت. باس جوسپاردا بولماۋعا ءتيىس زاڭسىز قۇرىلىستاردى، 15 مىڭ باۋ-باقشا ۋچاسكەلەرىن ءسۇرۋ جۇمىستارىن جانداندىرۋ كەرەك. قالانىڭ ورتالىق اۋداندارىن ەسكىرگەن ۇيلەردەن تازارتۋ قاجەت. استانا اكىمىنە ەلوردا قۇرىلىسىن ىقشامداپ سالۋ جونىندە ۇسىنىس ەنگىزۋدى تاپسىرامىن، – دەدى مەملەكەت باسشىسى.

بۇدان بولەك، قازاقستان پرەزيدەنتى تۇرعىن ءۇيدى جالعا بەرۋ جونىنەن «كولەڭكەلى» نارىقتىڭ بەلەڭ الىپ وتىرعانىنا، ۇلەسكەرلەردىڭ پروبلەمالارىنا توقتالىپ، زاماناۋي كولىك ينفراقۇرىلىمىن ۇيىمداستىرۋ قاجەتتىگىنە نازار اۋداردى.

– تۋريستىك ورتالىققا اينالۋ ءۇشىن استانانىڭ الەۋەتى جەتكىلىكتى. ۇكىمەتكە اكىمدەرمەن بىرلەسىپ، ەلوردا ءتۋريزمىن دامىتۋ جونىندە شارالار قابىلداۋدى تاپسىرامىن، – دەدى نۇرسۇلتان نازارباەۆ.

مەملەكەت باسشىسى ەلوردانى ازىق-تۇلىكپەن قامتاماسىز ەتۋ جۇمىسىنىڭ كەمشىن تۇستارىنا توقتالدى.

– قالادا سالىنعان كوكونىس قويماسى، كوممۋنالدىق رىنوك، ساۋدا پاۆيلوندارى جەلىسى ءالى دە تولىق پايدالانىلماي وتىر. ماسەلەن، سەگىز كوكونىس قويماسىنىڭ ەكەۋى جۇمىس ىستەمەيدى، ال قالعاندارىنىڭ تورتتەن ءبىر بولىگى عانا تولتىرىلعان. وتكەن ەكى جىل ىشىندە عانا استاناعا قۇنى 42 ملرد تەڭگەدەن اساتىن قاراجاتقا يمپورتتىق ازىق-تۇلىك اكەلىنگەن. ولاردىڭ كوبىسى – ءوزىمىز وندىرە الاتىن ءونىم. مۇنىڭ ءبارى، تۇپتەپ كەلگەندە استانا توڭىرەگىندە ازىق-تۇلىك بەلدەۋىن دامىتۋ جونىندەگى جۇمىستىڭ ءساتسىز بولعانىن بىلدىرەدى، – دەدى نۇرسۇلتان نازارباەۆ.

مەملەكەت باسشىسى «ەكسپو-2017» حالىقارالىق كورمەسىنە قالانىڭ دايىندىعى ماسەلەلەرىنە نازار اۋدارىپ، ۇلتتىق كومپانيا مەن ۇكىمەت الدىنداعى باسىمدىعى بار مىندەتتەردى انىقتادى.

– نىسانداردىڭ كوپشىلىگىنىڭ قۇرىلىسى اياقتالىپ، پايدالانۋعا بەرىلۋگە دايىن. سونىمەن بىرگە، كونگرەسس-ورتالىق پەن مەيرامحانانىڭ قۇرىلىس جۇمىستارى ءالى دە جالعاسۋدا. ولاردىڭ ۋاقتىلى تاپسىرىلۋىن قامتاماسىز ەتۋ كەرەك. قوناقتار العاش اۋەجاي مەن ۆوكزالعا كەلگەن ساتتەن باستاپ-اق كورگەنىن كوڭىلگە تۇيە باستايدى. بارلىق ينفراقۇرىلىم تولىق دايىن بولۋى قاجەت. الماتى، قاراعاندى جانە كوكشەتاۋ قالالارىنىڭ دا اۋەجايلارى رەزەرۆ رەتىندە قوناقتاردى كۇتىپ الۋعا دايىن بولۋ كەرەك، – دەدى قازاقستان پرەزيدەنتى.

نۇرسۇلتان نازارباەۆ اۆتوكولىكپەن كەلەتىن تۋريستەرگە جول بويىندا قىزمەت كورسەتۋ ءىسىن ۇيىمداستىرۋ قاجەتتىگىن اتاپ ءوتتى.

سونداي-اق، مەملەكەت باسشىسى كورمە وتەتىن كۇندەرى مادەني-كوپشىلىك جانە ەرەكشە ماڭىزى بار ءىس-شارالار ۇيىمداستىرۋعا، اقپاراتتىق جۇمىسقا، استانا قوناقتارى مەن تۇرعىندارىنىڭ قاۋىپسىزدىگى ماسەلەلەرىنە نازار اۋدارىپ، قوناقتاردى قارسى الۋعا ۆولونتەرلەردىڭ دايىندىق دارەجەسى جونىندە ساۋال قويدى.

– ەندى كورمەنى مازمۇندىق جاعىنان تولتىرۋ ماسەلەسىنە كەلەيىك. قاتىسۋشى ەلدەر ەكسپوزيتسيا جوبالارىن ءالى بەكىتىپ بولعان جوق. بارلىق شەتەلدىك قاتىسۋشىلاردىڭ ءوز پاۆيلوندارىن مازمۇندىق جاعىنان تولتىرۋ پروتسەسىن تەزدەتۋدى «استانا ەكسپو-2017» ۇلتتىق كومپانياسى مەن سىرتقى ىستەر مينيسترلىگىنە تاپسىرامىن. قازاقستاننىڭ پاۆيلونىنا دا ەرەكشە نازار اۋدارىلادى. وعان وتاندىق 28 ازىرلەمە، سونىڭ ىشىندە جوعارى وقۋ ورىندارىنىڭ جوبالارى ىرىكتەپ الىندى. ءبىزدىڭ ەكسپوناتتار جادىگەرلەردىڭ حالىقارالىق ەكسپوناتتاردان كەم تۇسپەۋگە ءتيىس، – دەدى قازاقستان پرەزيدەنتى.

كەڭەستە استانا اكىمى ا.يسەكەشەۆ، «استانا ەكسپو-2017» ۇك» اكتسيونەرلىك قوعامى باسقارماسىنىڭ ءتوراعاسى ا.ەسىموۆ، ەنەرگەتيكا ءمينيسترى ق.بوزىمباەۆ جانە ىشكى ىستەر ءمينيسترى ق.قاسىموۆ ءسوز سويلەدى.


كەلۋ قاينارى: http://www.elarna.com/koru.php?tur=1&id=756685

پىكىرلەر:


جازعان لەبىزىڭىز300 ارىپتەن اسپاسىن!
ادام نەمەسە ۋيروس ەكەندىگىڭىزدى تۇراقتاندىرۋ سۇراعى، كاتەكشەگە ءجۇز دەپ سيفىرمەن جازىڭىز، راحىمەت!

ەڭ جاڭا ماقالالار


جواو ماتوس: پورتۋگاليا 2 مينوت
قوعام ورنىقتىلىعى مەن ب 2 مينوت
اتىراۋدا ۇرىلار قىلمىس 12 مينوت
قىراۋلى قىس -ءتاڭىرتاۋ 12 مينوت
سەمەيدەگى رادياتسيالىق 22 مينوت
الەكساندر كوپەيكين: جەڭ 1 ساعات
دانەكەرلىك رولىمىزدى سا 1 ساعات
"اكىمدىكتىڭ قىزمەتكەرى" 1 ساعات
سىرداريا وزەنىندە سۋ تا 1 ساعات
التاي مالشىلارى كوكتەۋل 1 ساعات
وڭتۇستىك امەريكانىڭ چەم 1 ساعات
وڭدەۋمەن اينالىساتىندار 1 ساعات
قىزىلوردا وبلىسىنا سۋ ت 1 ساعات
قوستاناي وبلىسىندا ەگىس 1 ساعات
ساتىلى اتىزدىق -ءتاڭىرت 1 ساعات
سەنات دەپۋتاتتارىنىڭ سا 1 ساعات
نۋنو دياس: مەنىڭ قالاۋى 1 ساعات
شينجياڭ حابارلارى 20170 1 ساعات
جامبىلدىق جاستار جىلىجا 1 ساعات
كوتەمە قىستاعىنىڭ كوكتە 1 ساعات
عارىشكەرلەر كۇنى - اشىق 1 ساعات
مەملەكەت باسشىسى جۇمىس 1 ساعات
استانادا ماماندىقتى تەگ 1 ساعات
«حالىق قاۋىپسىزدىگىن قا 1 ساعات
سال اۋرۋىنا شالدىققان ق 1 ساعات
كاكا: ويىن تاعدىرىن ماي 2 ساعات
ءبىرىنشى توقساندا بيڭتۋ 2 ساعات
كوشەگە شىققاندا ابايلاڭ 2 ساعات
ەلوردادان سقو-عا گۋماني 2 ساعات
كەلبەت - ساۋلەتشى، پرو 2 ساعات